剛結婚的郭可盈及林文龍，前晚在機場起程前往西班牙的巴塞隆拿及法國巴黎度蜜月，雖然西班牙首都馬德里日前發生恐怖襲擊事件，市面仍一片愁雲慘霧，不過林文龍及郭可盈仍如期起行，心情未受影響。
郭可盈與林文龍上周三（十日）正式拉埋天窗，休息了多日後，兩人前晚起程前往西班牙度蜜月，不過西班牙首都馬德里日前發生嚴重恐怖襲擊，三個火車站先後發生連環爆炸，釀成多人死傷。
雖然西班牙市面仍一片愁雲慘霧氣氛，不過林文龍夫婦並不擔心，他們表示會如期出發，但不會去馬德里，而去另一城市巴塞隆拿旅行，林文龍更自備「自由行」天書出發。
問林文龍與郭可盈會否擔心西班牙局勢不穩，郭可盈說：「我哋呢次蜜月去巴塞隆拿同巴黎，而唔係馬德里，都唔係咁擔心。其實本來去五個國家，但係因為中途要出席活動，所以只可以去住兩個地方先，或者之後再去東南亞玩。」
林文龍與郭可盈前晚只以簡單行裝出發，她說：「我哋都會去巴黎行街shopping，不過如果香港有嘅嘢，我哋就唔會買，而且都聽聞巴黎多小偷，所以我哋都唔着咁靚。」那麼兩人會否在度蜜月期間製造愛情結晶品呢？郭可盈說：「我哋好理智。」劉丹早前在婚宴上表示可以教他們洞房技巧，對此林文龍說：「劉丹啲嘢唔可信，你睇佢生到劉愷威成身毛！」
此外，林文龍與郭可盈的一位日本女fans前晚專程前往送機，並為兩人準備朱古力，讓他們帶上飛機品嘗，相當細心。
採訪、攝影：馮美茵
