溫總前日公開踢爆廢董又再向中央伸手，令不少港人汗顏，滙豐大班艾爾敦噚日都忍唔住出聲。佢噚日聽完唐英年喺商會午餐會演講後，俾班記者圍住係咁問，艾大班話，佢一向認為香港過去嘅成功，係靠香港人自己主動嘅努力，佢認為港人應該繼續發揮自己嘅能力，如果中央想幫助香港，當然值得歡迎，但唔應該因為有人送禮，而坐喺度等運到，削弱工作精神，反而應該利用呢啲大禮帶來嘅機會發揮。
呢番話對老董一定係忠言逆耳㗎喇，但八方覺得，中央送嘅禮已經唔少，香港近期經濟亦有起色，究竟老董使唔使再向中央伸手呢？最弊係佢伸手唔係為市民，而係為班既得利益者。艾大班噚日亦有評價預算案，話作為第一份預算案，唐唐都算係咁，唔少人都對呢份預算案有相對中性嘅評價，佢又話預算案提到發債同埋銷售稅，都可以研究。
傳真︰2623-9278
電郵︰