梅艷芳逝世後，其骨灰至今仍安放在家中，梅媽與阿梅大哥梅啟明日前怒指志蓮淨苑本答應留一靈位給阿梅，現在又做不到，作為志蓮創辦人之一的曾志偉前晚暗指梅媽有錢就會收口。
曾志偉前晚與張學友及劉德華到淘大商場出席《江湖》煞科宴，當被問到梅媽和梅啟明怒罵志蓮淨苑未有安排靈位給梅艷芳一事時，志偉說：「我哋今日講生人唔講死人。」再被問到阿梅骨灰的事，志偉即表示：「中間有好多誤會，阿梅放喺邊唔重要，最緊要佢舒服同安樂。有心就得喇，何必爭埋啲無謂嘢，少提就最好。」
說到梅媽現在十分生氣，志偉似有弦外之音的說：「快啲搞掂滙豐（負責託管梅艷芳遺產的滙豐國際信託有限公司）啲嘢就得啦。」
至於張學友對於梅媽及梅啟明的不滿，則說：「我都唔明佢點解咁？可能佢有佢嘅理據啩。我覺得最重要係阿梅想點，我唔能夠代表阿梅話決定放喺邊，唔知佢生前點諗。其實好多人都將親人骨灰放喺屋企。都唔知邊個啱邊個錯，再講都唔知啱定錯。」
問學友會否致電梅媽或何冠昌遺孀，他說：「我尊敬梅媽，但唔熟，我同何太係熟，但如果我問就變咗當事人，會好奇怪。」
此外，志偉早前接受港台《舊日的足跡》訪問時，表示建議余文樂與陳冠希應暫別樂壇努力在影壇發展，楊千嬅則應專心歌唱事業等。志偉說：「佢應該一年拍一部好戲，咁先有價值。」
採訪：陳梅香 攝影：陳偉權
