水貨大亨袁仁祥話4月1號後原宿將會立立亂，原因係港人去日本免簽證，到時就有更多新人入行走原宿水貨，個巿肯定比以前更亂龍。袁仁祥話：「以前成班水貨行家喺原宿撞見都係識得嘅，但𠵱家多咗好多新仔，佢哋好唔守規矩，搞到原宿雜晒，遲啲重多埋班唔使簽證嘅自由行水貨兵團，睇嚟到時日本同香港一樣，實會被反轉囉！」袁仁祥話唔止水貨生意競爭大，連治安相信都有影響，佢舉咗個例子：「最近有個行家入咗批Ape乘Devilock既SkullSta，成箱貨約二十幾對鞋，每對可賣到成千八蚊㗎。佢已經好穩陣，費事寄快郵返香港而寧願一齊搭飛機寄艙，點知返到嚟香港，喺機場企咗成個鐘都唔見自己件行李出嚟，問過機場啲人，件行李確實已經到港並上埋行李帶，同一班機重有其他水貨行家，但好多都係新仔冇人識，睇嚟呢批貨都係被自己人起咗咯。所以𠵱家我哋Pack箱寄艙，都要玩飄忽，唔可以被其他行家認出，如果唔係渣都冇。」
主持人：大食Jack
八卦熱報：