林青霞前晚往紅館欣賞羅大佑的尾場演唱會，她表示本周六（二十日）會返台為總統大選投票。前晚青霞在羅大佑的慶功宴上，更預先隔岸為競選總統的連戰和參選副總統的宋楚瑜拉票。
林青霞、施南生、賭王何鴻燊的四姨太梁安琪和林夕等，前晚均到紅館欣賞羅大佑的尾場演唱會。
青霞在演唱會後的慶功宴上談到台灣總統大選時說：「我會投連戰同宋楚瑜，我出生、教育同長大都喺台灣，雖然離開咗二十年，但自己個心未離開過，我希望台灣仍然係魅力寶島。我相信喺連戰領導之下，台灣可以更加富強、繁榮同創造經濟奇迹，重希望我嘅決定可以影響影迷、朋友以及同我一齊長大嘅人。」
青霞在慶功宴上見到擔任表演嘉賓的伍佰時，即大讚他演出很好。問到青霞最喜歡演唱會哪一部份時，她說：「我鍾意羅大佑同伍佰嘅演出，我覺得羅大佑唱《鹿港的小鎮》好感人，我諗番起家鄉，不停流眼淚。而當台上演繹《滾滾紅塵》，我都有份演呢部戲，諗到如果一齊上台唱就好玩，但我冇呢個膽量。」
問青霞可有考慮復出？她說：「我𠵱家鍾意欣賞其他人演出，好大享受，我已經變成觀眾。」
羅大佑亦表示會返台投票，他說：「之前陳水扁話香港人可憐，唔可以揀自己嘅領導人要聽中央話，佢利用呢點助選。」
提到葉德嫻始終未有出席羅大佑演唱會一事，他說：「我相信佢都了解自己，我性格都好直，好易得罪人，夠膽得罪人嘅人都係好人。《赤子》嘅版權已搞掂。」羅大佑更以英文對記者說很愛葉德嫻。
採訪、攝影：王連連
