以下係《蘋果》廣告時間，八方兩位同事噚日去咗中環外國記者會，公然尋求外國勢力干預香港內政，因為有得攞獎。智行基金會今年第三屆舉辦「同志議題報道獎」，對深入報道同性戀問題嘅新聞從業員作出表揚。
《蘋果》今年得獎作品係「衝擊教堂兩面睇」，從天主教、同志組織兩大陣營嘅正反角度，反映咗社會上對同性戀人士採取抗爭行動嘅正反立場。話說上年八月，幾位同志趁禮拜日衝入天主教座堂宣揚同性戀，同教堂職員發生衝突，引起社會輿論譁然，亦引起大眾關注香港同志權益問題。
蘋果深入民間，連同志都欣賞，不過亦衷心希望同志議題報道獎快啲消失，點解咁黑心？原因好簡單，一日有呢個獎，就反映咗香港重有同志受歧視嘅問題；就等如一日有人叫平反六四，即係話六四重未平反。
傳真︰2623-9278
電郵︰