容祖兒（Joey）前晚到深圳領取音樂獎項時，自爆早前到加拿大演出慈善騷遭人鹹豬手掃背，據悉該位加拿大主辦單位的高層，去年亦向楊千嬅施以鹹豬手。
二人女子組合Twins、容祖兒（Joey）、李克勤、余文樂、盧巧音及Twins等前晚到深圳出席「2003先鋒音樂頒獎禮」領獎。Joey接受訪問時自爆早前到加拿大演出無綫及溫哥華中僑互助會合辦的《四海一心加港情》節目時，遭人掃背非禮。
Joey說：「之前去加拿大真係賠了夫人又折兵，一波幾折，我喺活動上俾人博懵，去老人院探訪時又漏咗個化妝箱，裏面有成二萬蚊化妝品㗎。」
Joey表示她拿着籌款箱在人群中籌款時，感到有人以手狂掃其背部，令她感到甚不舒服，她說：「當時鏡頭影住我，我又唔可以出現唔好嘅樣，咪忍住囉，我唔係着得好sexy，着長袖衫啫。有啲歌手都見到，大家見咁混亂，有啲人都唔肯落台募捐，喺台上唱歌，我覺得好唔抵囉。」
據悉，Joey當時是遭加拿大方面主辦單位一名高層鹹豬手，事後她將此事告知其他歌手，亦有同行的楊千嬅即自稱去年亦曾遭該人掃背非禮。
李克勤亦有到加拿大演出，他接受訪問提到此事時說：「我冇見到喎，要查清楚囉，當時都算有秩序，有小混亂，呢啲情況梗係人頭湧湧㗎啦，個個歌手都有落去募捐，不過女仔蝕底啲，凡事要向好嘅方面諗，可能祖兒瘦咗有魅力呢。」克勤續說：「如果我見到會阻止，如果真有其事，對女人係好大嘅侮辱，另一方面如果對方只係過份熱情，就要還嗰個人清白，希望無綫拍到當時情況啦。」
採訪：胡比 攝影：陳慧安
