女子組合2R的兩位成員Rosanne和Race，昨日以一身廚師打扮在黃大仙出席「全港中學生明火煮食烹飪比賽」，並與一班學生比賽整蛋糕。
事前Rosanne誇口自己廚藝了得，她說：「以前讀書時係我負責落廚，妹妹負責試味嘅，我嘅拿手菜式有肉骨茶、煲湯同整甜品，妹妹就淨係識煮飯，佢話第日結婚都要搵番個廚藝有番咁上下嘅男人先得。」但2R結果在比賽中敗於學生妹手上。
2R說：「我哋今日着廚師制服，感覺好有親切感，因為我哋新唱片嘅封套造型，都係着唔同類型嘅制服嘅，好似空中小姐、廚師同埋賽車手咁。」哪她們豈非玩制服誘惑？2R齊聲說：「梗係唔係啦，一啲都唔性感㗎。」