羅浩楷近日新加入演出無綫劇集《皆大歡喜》，跟薛家燕有不少對手戲，但前日收工後，他卻突然心痛，隨即往聯合醫院求診，並被送進深切治療部留醫。好姨曾致電問候，羅浩楷太太表示羅浩楷現時情況穩定。
最近新加入無綫劇集《皆大歡喜》演出的羅浩楷，前日拍完劇集後突然心痛，隨即往聯合醫院求診，並送入深切治療部留醫。
薛家燕昨日在將軍澳出席無綫活動，有份演出《皆》劇的好姨表示她知道羅浩楷入院留醫，她說：「我今日都有同羅太通電話，佢話羅浩楷𠵱家係清醒，情況都穩定，但要等出埋檢查報告後先知乜嘢事。我姐夫係心臟專科醫生，我都有將羅浩楷嘅病情問過姐夫，佢話要等醫生出晒報告先會知。」
好姨又表示羅浩楷剛加入《皆》劇，近日正趕拍二人的戲份，她說：「我哋前幾日重一齊拍一啲大動作戲份，佢都冇事。」而因為好姨月底將要往新加坡登台，現時羅浩楷入院，她表示都很擔心，好姨說：「監製𠵱家都好頭痛，羅浩楷請病假，都唔知點算。我希望佢只係小事，我哋合作都好有火花。」
此外，記者昨日致電羅太，她說：「羅浩楷暫時冇大礙，佢都好精神，但要等醫生出報告，觀察兩日先可以出院。」
採訪、攝影：馮美茵
