任賢齊前晚在中環舉行演唱會記者會，宣布下月三十日起一連兩日在紅館舉行兩場演唱會，名表歐米茄更送了一隻價值約五萬元的新款手表祝賀他。
問到小齊在演唱會中可會跳舞，他說：「可能我係肌肉型，跳起舞嚟比較硬，排舞老師都安排我學基本功，我想到時可以跳中國特色嘅舞，會唔會跳貼身舞就睇啲歌啱唔啱。」嘉賓方面，他說：「會邀請陳慧琳、楊千嬅、盧巧音同蘇永康做嘉賓。」至於前緋聞女友莫文蔚可會是被邀之列，他則表示不清楚對方是否有空閒。
小齊曾扮過李小龍，演唱會上可會耍雙截棍？他說：「唔玩啦，周杰倫玩得好啲，如果我玩到扑親個頭，咪變成特別表演？」
採訪、攝影：王崇穎