上禮拜三財爺公布上任後首份財政預算案，當中提到會預留二億元作為「按額基金」，即係商界每捐錢畀社會福利機構（簡稱社福機構），政府會按一定比例撥款畀社福機構，財爺除咗鼓勵商界扶助弱勢社群之外，同時呼籲機構要強化籌款活動作營運經費。
大使心諗遲啲社福機構都係要自己諗辦法搵錢，雖然𠵱家經濟好轉，但非牟利社福機構財政仍然緊絀，有社工同大使呻，政府撥款愈嚟愈少，機構資源始終有限，好多project因為冇資助做唔到，被迫擱置，亦有部份project更被迫臨時腰斬，面對區內供不應求嘅求助cases，佢哋都覺得好無奈……
其實，蘋果日報慈善基金喺九六年成立以來，致力幫助社會上赤貧家庭嚟過經濟難關，所以大使喺度呼籲社福機構可隨時打嚟索取機構轉介個案申請表，填寫苦主嘅急需，然後轉嚟畀愛心大使跟進，我哋會善用讀者一分一毫去幫助有需要嘅人；而蘋果基金每年亦有四次接受機構申請撥款，機構可留意暖流版嘅公布，提交社會服務計劃書，大家亦可以上蘋果基金嘅網頁下載資助服務計劃同埋個案轉介表格，
查詢電話：29908688；傳真：23702192；地址：九龍將軍澳工業邨西駿盈街八號蘋果日報慈善基金。
暖流熱線
電話:29908688
傳真:23702192
電郵:
網址：