謝霆鋒日前抵北京為陳凱歌導演的《無極》準備及練功，前日他與張東健等開工作會議後，晚上相約傳媒吃晚飯。霆鋒說：「第一次同張東健見面，同佢合作我抱學嘢嘅心。」
與張栢芝再度合作，霆鋒說：「冇乜尷尬，咁多人望住，做嘢啫！呢次我帶備一箱藥，遲啲要去雲南嘅香格里拉拍外景，嗰度海拔九千幾呎，劇組人員知我有哮喘，會預備定氧氣筒。噚日我開工，掂過啲馬毛，哮喘發作啦！」
前日張東健經理人離開北影時，被記者撞到，事後感到不滿曾向陳凱歌投訴，所以昨日北影約有二十個拿着金屬探測器的保安，和手持電棒的公安在門外把守。
此外，曾志偉日前接受港台訪問時大爆謝霆鋒身價比張學友還要高，曾志偉前晚補充說：「唔係學友收得平，係霆鋒收得貴啫，我都係聽聞佢貴過學友咋。」
記者陳月萍、何國豪北京直擊