膽敢公開將毛澤東如實形容王八蛋，又話老毛挑動人民鬥爭絕對唔愛國嘅台灣歌手羅大佑，前晚喺紅館最後一晚演唱會，好多名人好似稅務局局長劉麥懿明同前電盈高層張永霖都有嚟捧場。雖然羅大佑咁反共，但係佢同溫家寶睇法一樣，就係香港「明天會更好」。
聽羅大佑講嘢比較辛苦，因為佢啲粵語唔鹹唔淡，難聽過老江嗰口廣東話，而且講嘢半遮半掩，好似佢一邊唱首本歌皇后大道東轉皇后大道中，一邊又話旺角到今日都冇改到名。羅大佑認為香港係一間好大好大嘅公司，而且運氣好好，頭個一百五十年個大老闆係全球至威嘅，𠵱家換咗個新老闆亦正「國力日上」（但班土共，時時拖後腿）。
所以佢老哥話只要港人守住成功嘅因素，香港一定掂，唱到尾聲當然要唱「東方之珠」，羅大佑最後大叫香港人「守住、穩住、頂住」，亦即「守住自由」、「穩住民主」、「頂住土共」，佢真係港人知心友。
傳真︰2623-9278
電郵︰