愈嚟愈流行用手機影相，不過就算解像度有幾好、鏡頭有幾靚，影得多都有啲悶。日本近期就好Hit「自加鏡」，透過各式各樣唔同功能嘅外加鏡頭仔，令相片變出多款實用、有趣嘅效果，如實用嘅有微距、廣角、偏光（PL）等功能，而好玩嘅有心形相框、顏色濾鏡、一變六叠鏡等，細細個掛喺手機度，加埋五顏六色嘅賣相，的確幾潮幾好玩，而且據筆者實地測試，部份細口徑嘅數碼相機都啱玩，如富士F610、SONYT1等都冇問題。而香港代理RICOH，將會喺今個月推出八款「自加鏡」，售價約$200一個（部份一套有兩款），潮流玩家值得留意。
記者：徐影龍
查詢電話：22925111
