去年憑《戇夫成龍》阿旺一角而人氣急升、並成為無綫「最喜愛男主角」的郭晉安，昨日與2R到澳門為咀香園氹仔旗艦店擔任開幕禮嘉賓，不過今次阿旺未有即場示範整老婆餅，而是與2R一起穿上圍裙學整杏仁餅，實行搞搞新意思，而安仔與2R為配合這間老字號的餅店，特別以六十年代懷舊打扮示人。
問安仔咀香園會否請他一世免費食餅？安仔指對方未有提及，至於為何不與「老婆仔」宣萱一起前來，他竟抵死地說：「有兩個細老婆（指2R）喺度啦！」提到被指是細老婆，2R說：「好花心，我係講佢喺戲裏面啫，其實我哋一向都係佢fans，連嫲嫲都好鍾意佢，所以今次我都有同安仔攞簽名。」安仔表示今次酬勞有六位數字，令他相當滿意，相反2R則表示不算太高，她們說：「我哋低層吖嘛。」
記者王崇穎澳門直擊