政府高官同議員喺議會裏面舌劍唇槍已不在話下，下個月底重會公開比拼㖭，不過呢次就係棄口用腳嘅足球友誼賽，賽事會喺小西灣個靚場舉行，高官隊陣容已經確定，有警隊二哥鄧竟成、教統局副秘書長祝建勳、環境運輸及工務局副秘書長張雲正，重有因為喺地鐵縱火事件喝止兇徒而出晒名嘅季英雄。
當日主禮嘉賓更加唔嘢少，代表高官隊係曾司長、議員隊係范主席。高官隊本來有個主力隊員，就係已經身故嘅警隊助理處長張之琛，高官隊隊員今次誓要打贏議員隊，將勝利獻畀佢哋懷念嘅張Sir。
傳真︰2623-9278
電郵︰