關心妍出身自單親家庭，小時候父親拋下妻兒跑掉，對於爸爸是個怎樣的人，她想了良久也沒有印象。唯一的感覺是，她說她以前恨爸爸，但現在會當他是朋友。
聽起來少不免令人有點感歎。可是Jade經過多年的洗禮，這天她首次談起那位曾經令她恨透的父親時，就像訴說別人的故事般，態度輕描淡寫。
Jade淡然地說：「佢咁多年都冇搵過我哋，我亦都冇必要搵番佢，細個嘅時候，我有嬲佢，大個咗就覺得冇所謂，如果見番佢……會係朋友囉，佢咁不負責任，有乜資格做老竇啫？我唔恨見番佢，刻意做唔需要，要重整記憶，生活重亂。」Jade記憶中的爸爸是如何的？她認真地思索一會才說：「佢……好奇怪，好惡，記憶真係好淡，好難諗得番。」
Jade揚言沒有因欠缺父親而帶來遺憾，她說：「少咗爸爸令我更強，令我可以由細就好獨立，重活到𠵱家，令我一個咁平凡嘅人可以做歌手，可以開到演唱會，多謝佢啦。」
Jade的媽媽有個拍了拖七、八年的外籍男朋友，不過Jade從來沒有慫恿母親再婚，反正她早已視媽媽的男朋友為半個爹哋，結不結婚其實都一樣。Jade說：「以前媽咪結婚都冇𠵱家咁開心，佢同男朋友一齊咁耐，大家都習慣咗𠵱家嘅生活方式，媽咪諗住點，我冇所謂，我都當咗uncle係半個爹哋。每逢過時過節，買禮物畀媽咪，我都會買埋佢嗰份嘅。」
Jade的媽媽找到她的另一半，相比之下，Jade入行以來都未見有真命天子曝光，她苦笑說：「做呢行真係好難搵男朋友，揀圈內人又壓力大，圈外人又識唔到，重要冇人追，平日我唔夠膽出街，又唔蒲唔約人，驚有新聞出嚟。」
Jade續道：「我二十五歲啦，個助手跟咗我幾個月都斷晒纜，我直情斷晒好耐，拍拖好似好遙遠嘅事，我預咗搵多啲錢過世㗎啦。」Jade還不忘自嘲因為不漂亮，所以追求者才跑掉，她笑道：「我哋實力派，樣就唔夠吸引，係今次演唱會至有機會騷騷身材，可能開多個market嘅。」
採訪：朱倬誼
攝影：陳慧安
服裝：SistyrMoon
化妝：KamenLeung
髮型：SevTsang（HairCulture）
場地提供：Gossip