郭富城（Aaron）昨日以「伸手助人協會愛心之星」身份，出席慈善義賣活動。Aaron向現場人士作出呼籲，要多透過信件與長者溝通。他除了與一班公公學習耍太極拳外，還與主禮嘉賓之一的張敏儀同到攤位售賣郵票小版張，結果現場市民差點把臨時攤位也迫得倒下。
Aaron提起寫信時說：「以前科技冇咁發達，都係寫信，可以表達深厚啲嘅感情。歌迷寫情信畀我表達對我嘅癡心，我睇到都感動到眼濕濕。」
另外，Aaron所屬的華納唱片公司傳出裁員消息，他說：「唱片市道氣候改變緊，我都好明白公司，希望快啲冇事。如果第時公司環境好番啲，咪請番炒咗嘅同事囉！」
採訪：王連連 攝影：陳偉權