今趟遠赴西班牙Barcelona之行，跟過往海外試車好唔同，皆因今次MichelinDrivingExperience並非測試新車，反而係大會藉着今次機會，給一眾亞洲各地嘅汽車傳媒，喺世界一級方程式賽道CircuitdeCatalunya上，一嘗親身駕駛超級跑車，包括保時捷911GT3、三級方程式賽車，以至不少車迷夢寐以求嘅世界一級方程式戰車㖭！筆者有幸能夠代表香港參與其中，跟來自中國、台灣、新加坡及馬來西亞等地傳媒，交流呢份駕駛嘅親身體驗，當時嗰份激盪嘅心情，委實難以筆墨去形容。
記者、攝影：李勤
鳴謝：MichelinAsia(HK)Ltd.
大清早8:00am抵達CircuitdeCatalunya賽車場，一眾傳媒先要通過身體檢查，當時心情緊張嘅筆者，差點兒因為血壓偏高而未能通過測試，及後終能跟隨大夥兒到更衣室換上一身鮮明制服。
大夥兒換過制服後，一眾傳媒首先跟MichelinDrivingExperience全體隊員、車手見面；當中不乏卧虎藏龍嘅高手，加上紀律嚴明嘅編隊，登時令筆者變得噤若寒蟬，不敢胡亂出言。
一眾傳媒抵達簡報室，首先聆聽全長4727.20米嘅CircuitdeCatalunya賽道上，每個需要留意路段及彎位介紹，當中重詮釋每個Apex位嘅走向。及後，閘門徐徐打開，一字排開嘅保時捷911GT3跑車跟三級方程式賽車，早已列陣等候，場面壯觀。
筆者為首批試駕F3嘅傳媒成員，置身駕駛艙正待出發的一刻，心情難免有點緊張，除要抓緊面前軚盤及留意液晶體表板外，右旁順序式Sequential排檔箱，重要緊記由上而下嘅排列。
資深嘅MichelinDrivingExperienceTeam成員，正講解一級方程式戰車臨場換胎嘅重要性及程序，每趟入維修站入油及更換四輪車胎，平均需時不過8秒內，惟不諳技術嘅傳媒換胎新手，反覆測試最快都要12秒上落，真要不得！
有關人員帶傳媒進入秘室，剖析一輛Formula1戰車嘅構造；雖然MichelinDrivingExperienceTeam所使用嘅戰車，係舊有Arrow箭隊座騎，惟全車淨重不過560kg，加上一台V8引擎約600匹馬力輸出，嗰份強勁嘅爆炸力確實驚人。
當兩部單座位及一部雙座位一級方程式賽車進場後，技師們即時撻車並進行引擎RunIn程序，還要檢測多個按鍵，並將引擎推至工作溫度。
試駕一級方程式賽車前，每位報名參加嘅傳媒，均要通過座艙測試，幾近平卧式嘅坐姿令人難以進出外，置身其中能否踏觸離合器及轉動軚環，會係缺一不可。
有關方面為着個人意願，除安排有單座位賽車供傳媒實地測試外，亦準備有一輛雙座位賽車，由豐富經驗嘅車手駕駛，以供傳媒感受一下實戰情況，事後不少傳媒更大呼過癮呢！
另一班汽車傳媒輪流靜候試車一刻，心情既緊張之餘，原來開車起步亦不容易，除依照TeamLeader手勢踩油及慢放離合器外，油門控制亦至為重要，事關0-100公里加速亦不過4秒內咋！
