古天樂昨日到銅鑼灣時代廣場為豐澤電器擔任剪綵嘉賓，現場有十多名fans排隊要求與古仔合照。古仔為配合豐澤的品牌，特別穿上橙色外套，十分識做。
古仔表示日前與梁詠琪（GiGi）合作拍攝電影《戀情告急》一場戲時，劇本只簡單寫着「喊到隻雞咁」，於是當日凌晨他便與GiGi一起在銅鑼灣街頭喊了一個多小時。
古仔說：「我只要聽住鋼琴音樂，諗起啲傷感嘅畫面就喊得出，不過現實生活中嘅我淚腺功能壞咗，唔會喊。我記得最難過嘅一次，係醫生同我講我阿爸唔得嘞，我當時嘅反應係『咁我返TVB繼續拍劇嘞』，拍完劇時阿爸已經好轉，喊係解決唔到問題嘅，應該堅強面對，瞓醒覺就冇事。」
採訪：陳梅香
攝影：陳慧安