香港各界婦女聯合協進會噚晚喺禮賓府搞「表揚熱心貢獻社會服務婦女大會」，A1、王梁潔華、李麗娟、何超瓊都有去，過去十年捐咗超過一百萬嘅唐媽媽尤淑圻（音岐）亦獲表揚。
八方問唐媽媽會唔會響應財爺乖仔，出番個八字車牌玩吓，佢就即時耍手擰頭。叫佢影相，就匿喺婦協主席林貝聿嘉後面，但提到財爺忙預算案，唐媽媽就忍唔住，話個仔呢排好忙又辛苦，連逢星期日familyday都唔得閒到。
唐媽媽成晚俾人叫錯做「唐尤淑芹」，不過都無損佢表演雅興，上台獻唱《Lovemetender》等英文歌。
到A1上台演講，就用「人哋話，每個成功男人背後都有個女人」做開場白，又無端端搬林貝聿嘉出嚟，話佢呢位領袖好出色，係自己嘅典範，重話「我一路跟住你，向你學習。」八方真係聽到骨都痹埋。
（圖）唐媽媽（左）同丁毓珠睇緊乜？咪係關於唐唐份預算嘅報道囉。
傳真︰2623-9278
電郵︰