45條關注組設立嘅網上電台「A45頻道」噚晚正式啟播，四名大狀余若薇、梁家傑、湯家驊同李志喜摸住酒杯底開咪，酒後吐真言，梁家傑笑余若薇係香港民主女神，出街無人不識，余若薇話自己只係民主女僕，反指梁家傑人氣急升，「佢星期六、日出街，西裝都袋住條同恤衫顏色襯到絕嘅袋巾，實認得係梁家傑。」
難得有機會開咪，湯家驊好恨開金口，余若薇㩒住叫佢唔好唱歌，「我擔心佢一唱歌，得番三個人聽。」梁家傑就對湯大狀歌喉有信心，「可能即刻有三千人聽呀。」後來湯大狀都忍唔住唱咗首歌。
幾位大狀欲罷不能，直播延長十五分鐘，噚晚最高峯時有幾百人上網聽，下星期重有遊戲玩，獎品包括「湯大狀親授盤問技巧」同「余大狀帶你遊立法會」。有興趣嘅可上
（圖）湯家驊（右）同梁家傑開咪前出席頭條新聞15周年麻辣騷，高唱《你還愛我嗎》。 黃建通攝
傳真︰2623-9278
電郵︰