近日有報道指趙頌茹（Yu）日前與緋聞男友周永恆在青衣逛街時，被一班青年調戲，周永恆更遭對方講粗口對待兼圍毆。昨日阿Yu在灣仔出席新食店開幕時，提起這事時顯得很𤷪𤺧，並跟周永恆劃清界線。
阿Yu說：「我從來唔接受姊弟戀，大家之前都問過我啦，我同佢只限朋友，始終我唔會接受細路仔。」問阿Yu是否經常到周永恆位於青衣的住所時，她說：「好少，但我都去過青衣做騷。」
至於報道指阿Yu當日也在場，她勞氣地說：「我唔知發生乜事，只係睇報紙先知佢（周永恆）俾人打。警察公共關係科都冇提到我個名啦，我係唔在場嘛。佢只係我朋友，算啦！做藝人係咁慘喇，我初入行都俾貨車佬撩啦！」
採訪：王連連
攝影：陳志嵐