二人女子組合2R昨日往金鐘太古廣場的西武百貨，為法國少女品牌Cacharel示範新裝，兩人除可獲現金酬勞外，品牌亦會贊助二人服裝。2R開心的說：「𠵱家啱啱開季，我哋需要大量新衫出席活動之用，𠵱家可以慳番筆真係好啦。」
可是2R昨日為Cacharel示範新裝時，卻不識趣地提着早前出席另一時裝品牌Max&Co的名字，還把Max&Co說成是MaxMara，兩人滔滔不絕的說：「MaxMara（正確是Max&Co）都會贊助我哋，佢哋啲衫都好啱我哋嘅年紀同風格。我哋行騷揀衫都有底線㗎，好似幫MaxMara着嘅bratop，但係點都要加件衫喺外面，重有，我哋唔介意分開出場行騷，但係唱歌就一定要一齊啦。」
採訪、攝影：林妙萍
