大市噚日因為歐洲出現恐怖襲擊而一度急挫，但唔少股份在下午收復失地，早市急跌的股份，唔少可以倒升收市，買盤動力強勁，其中又以國企股的反彈力最驚人，唔通又係祖國出招打救香港？
喺今個星期大跌市中，股價表現偏強嘅股票，如果唔係因為貨疏，就係有料到。
經紀黃好神氣咁話，上個月底佢推介超大現代（682），自從經佢品題後，股價完全冇受大市下跌影響，在跌市中逆市上揚，擺明係有料到嘅格局，睇嚟好快會去到外資大行嘅目標價4元。
超大將於下周四公布中期業績，外資大行班分析員，估計超大業績會好靚仔，可能重有不俗股息派發，但最重要係阿爺認為要扶持農業發展，而超大業務則剛好食正條水。
小初記得，經紀黃上個月推介超大之時，股價約在2.70元水平，噚日上升2.2%，股價去到3.425元，成交股數1209.7萬股，金額4001萬元，成交配合升勢，唔係乾升。
慕容小初