梁詠琪（GiGi）和古天樂前晚在銅鑼灣為新片《戀情告急》開工，故事講述古仔激怒了GiGi，於是古仔便在鬧巿跳舞，逗她開心。GiGi表示媽咪很喜歡靚仔，故會請她睇首映，與古仔見面，趁機𠱁媽咪開心。
梁詠琪和古天樂前晚在銅鑼灣拍攝新片《戀情告急》，這場戲講述古仔因為激嬲了GiGi，所以即時在鬧巿跳舞，以𠱁回對方。
GiGi表示只要有男人肯為她做一些特別事情，她都很容易受到感動，她說：「只要男仔會為我做一些以前從來未做過，或者專登幫我做一啲嘢，我都會好易感動，我相信每個女仔都係咁。」
古仔的左手早前受傷縫了四針，醫生表示要約十天後才可拆線，現在只是過了幾天，古仔表示要加倍小心。問到古仔日後可會為手部買重保險，他說：「唔關事，自己未入行已買晒保險。」對於要在鬧巿跳舞，他表示並不擔心。古仔說：「對我嚟講冇難度。」
GiGi得知古仔手部受傷，她表示和古仔跳舞時會份外小心，以免觸及他的傷口，GiGi說：「我怕佢傷口爆線，我之前都試過俾吳嘉龍嘅煙頭『灼』傷，大家都笑我隻手熟咗。」.而GiGi前晚都有帶同母親為她準備的湯水到場，為了報答媽咪，她說：「我會請佢睇首映，同埋安排佢同古仔合照，媽咪鍾意靚仔。」
此外，GiGi一直是護膚品牌Fancl的代言人，她早前到了泰國海軍的軍用海灘拍攝了新一輯廣告，GiGi穿上白裙，十分飄逸。而GiGi更得到貴賓式的招待，除了在現場可享用大量新鮮水果外，更有專人提供泰式按摩，以便讓她以最佳狀態參與拍攝工作。
採訪：卓寶花
攝影：陳慧安
