美國R&B男歌手R.Kelly被控多項兒童色情罪行嘅官司又有新進展，原本控方係基於喺R.Kelly屋企入面搵到佢同一名少女發生性行為嘅相片而起訴佢，不過前日負責審理呢單案嘅法官話當時發出嘅搜查令係基於一啲唔充份嘅證據，所以嗰啲相唔批准作為呢單案嘅證據，換句話說R.Kelly分分鐘可以因此而甩身。