陳奕迅和周麗淇日前拍攝一場汽車墜海戲，周麗淇被困於車廂內，拚命掙扎，陳奕迅便潛入水底相救。由於周麗淇不熟水性，故有救生員在旁戒備，汽車座位旁亦備有氧氣喉，以防萬一。
陳奕迅與周麗淇日前在西貢為新片《愛作戰》拍攝一場水底戲。劇情講述周麗淇被劫匪連人帶車推落海，困於車廂內，而不懂水性的陳奕迅雖然右邊手腳中槍流血，但仍奮不顧身落水救佳人，最後卻要周麗淇反過來救他。
周麗淇小時曾遇溺，所以極度怕水，她要在水深八呎的泳池拍戲，難免顯得有點緊張和彷徨。拍攝現場雖有救生員戒備，但當周麗淇要在水底睜開眼時，立時緊張起來，多次要浮上水面休息，幸而有泳術甚佳的陳奕迅在旁安慰及協助。
周麗淇說：「我唔識游水，為咗拍呢場戲，之前學咗兩日閉氣同喺水入面睜開眼。其實我之前擔心嘅唔係忌水問題，而係遇啱呢幾日係我嘅生理周期，唔係咁方便，到時Eason（陳奕迅）真係唔使喺水入面放血都得，所以要去睇醫生食藥延期，遲啲重要拍場跳海戲，諗起都驚。」
由於拍攝當日西貢的氣溫很低，電影公司特別準備了一個暖水泳池，還有熱毛巾、暖水袋及薑茶侍候，所以陳奕迅寧願待在水中，他說：「為應付拍呢場戲，學咗啲簡單潛水課程，原來潛水都幾好玩，有機會都想去考個潛水牌。」
採訪：魯萍
攝影：陳志嵐
