應屆港姐楊洛婷和李詩韻昨日出席在上環東華醫院舉行的「東華三院慈善獎券攪珠抽獎頒獎儀式」，並獲小朋友獻花。
楊洛婷最近發福不少，她說：「拍完《睇餸食飯》，就即刻去拍旅遊特輯，去到中山、廣東一日食四餐，由朝食到晚，應該係肥咗少少，夏天就自然會瘦，唔使擔心。」
李詩韻最近首次參與無綫劇集《天涯俠醫》演出，她說：「之前成日睇張家輝做戲，未見過真人，以為佢好大牌，但係合作之後發覺佢好好人，好搞笑，又會提點新人。」
李詩韻續說：「我喺戲入面做一個外國返嚟嘅俏護士，所以張家輝同黃宗澤成日笑我、玩我、撩我，搞到我都唔知點應佢哋。」
採訪、攝影：楊潔雯