「賣雞賣咗幾十年，就算響應罷市唔賣雞，都要交租㗎。學人去果欄買啲生果嚟賣，點知入貨貴過人，啲貨差過人，重俾同我買開雞嘅街坊取笑㖭。」在土瓜灣租街舖賣雞的陳先生，搖身變成「生果佬」，自己也覺得啼笑皆非。
他強調，禽畜業界發起罷市，直至本月二十四日，希望政府能盡快公布輸入內地活雞時間表。他經營雞檔的舖位月租二萬元，他笑言「交租交遲兩日，業主就嚟催你。為搵番啲皮費，支持罷市之餘，咪學人賣生果囉。點知去到果欄買橙。唔識貨，買貴咗唔在講，啲貨重唔靚㖭。」難怪他在十元八個橙的售價牌背後，寫上兩個「慘」字。
不少老街坊及老主顧走過陳先生的店舖，看見店內的生果，都取笑他說，「雞佬𠵱家變咗生果佬呀！」陳先生慨歎說：「食物環境衞生署人員都嚟睇過，提醒我第日有番雞賣，就唔可以再賣生果啦！都算佢哋通情達理。」
記者：林社炳