由一班大律師成立嘅網上電台A45今日正式啟播，余若薇、湯家驊、梁家傑、李志喜等一班45條關注組成員，夜晚九點至十點齊齊開咪同大家論政。有興趣嘅朋友，不妨打電話82030336上去同佢哋傾吓。至於收聽嘅網址就係www.article45.com。
第一集節目嘅賣點，就係會播出湯家驊一手包辦作曲、填詞、主唱，以普選為主題嘅歌曲。眾所周知，呢位大律師公會前主席係音樂發燒友，呢次為咗爭取普選，再執起結他自彈自唱，實行以軟性宣傳方式，鼓勵年輕人留意時事、登記做選民。佢咁熱心，大家自然不容錯過。
不過，八方聽聞試播時，平日上庭雄辯滔滔嘅湯家驊講嘢口窒窒，頻頻食螺絲，重俾台長余若薇話佢。
唔知係咪經驗未夠，怕風頭火勢，惹到一班「烽煙土共」打電話入嚟粗言穢語踩場，零舍緊張？
（圖）45條關注組一班大狀今晚九點開咪，要聽湯家驊（左二）一手包辦嘅普選主題曲就唔好錯過喇。
傳真︰2623-9278
電郵︰