二十幾年前曾經有部經典喪屍恐怖片叫做《喪屍出籠》，而下月喺香港上畫嘅《活死人凶間》，正正係將《喪》片借屍還魂，不過《活》片嘅特技同化妝技巧，當然遠勝一籌啦，所以驚嚇程度亦猶有過之！電影入面有幾百隻行動敏捷嘅喪屍周圍走，而負責特技化妝嘅五十位人員，重創製咗成三千幾個喪屍妝扮，相當大陣仗。