美國iPodMini賣到火紅火綠！日本老牌音響大廠aiwa又點可以俾你獨大專美，一於喺嚟緊4月中，推出全球最細最輕的2GB容量MP3Player！
HZ-WS2000機身體積為91×56×10.6mm（長×闊×深），僅重68克，攞上手同一個名片盒差唔多，難怪日本嗰邊都叫佢做「名刺MP3機」！唔好睇佢機仔細細，但已內置有2GBHDD，可對應MP3格式的音樂；傳輸介面使用快速的USB2.0，不過傳送音樂必須經過《MusicTransfer》的專用軟件；電源則使用內置式充電池設計，使用時間8小時，充電時間則為3個鐘，而為咗方便用家，所以會直接在USB上攞電，一邊下載音樂、一邊叉電！盞鬼！預計HZ-WS2000將會在4月中旬在日本推出，價錢約35,000日圓（約港幣$2,300）。
記者：朱崇德