電盈小小超呢輪新聞多多，繼被罰停牌六個月之後，又有新消息，不過，今次就係開心嘢。
話說貝沙灣豪宅樓盤舊年喺沙士期間推出，以七位數字高價搵咗荷蘭爵士天后LauraFygi做電視廣告嘅代言聲音，兼唱埋首英文歌《Whatareyoudoingtherestofyourlife》（睇怕都好啱為唐唐作嫁衣裳嘅松松聽），廣告收得，樓盤亦賣得好。
聽聞呢位天后三月二十號又嚟香港會展舉行第二次個人演唱會，小小超身為贊助商，為咗感激天后嘅幫忙，已經預訂咗大量門票，到時會同一眾好友去捧場。
Laura今次唔只唱英文歌，為博炎黃子孫一笑，重會以國語演繹鄧麗君嘅經典金曲《月亮代表我的心》，不愧識走江湖，演唱會重有飛賣，想聽靚歌要快手。
（圖）LauraFygi二十號來港開concert，鍾意爵士樂嘅朋友快啲買飛。
傳真︰2623-9278
電郵︰