柯受良去年於上海猝逝,作為長子的柯有倫悲慟過後近日終平復心情。不過,有倫表示暫時無意做父親的接班人投身特技人的工作,反而會在樂壇大展拳腳,更親自創作了一首歌悼念亡父。
亞洲第一飛人柯受良(小黑)去年突然逝世,他的家人驚聞消息均顯得十分悲痛,而小黑的長子柯有倫雖然經常默不作聲,但仍難掩哀痛心情。事隔三個月,日前有倫特地由台灣飛抵香港,為亡父自導自演的遺作《生死速遞》做宣傳,心情已平復許多的有倫,臉上已重拾年輕人應有的輕鬆笑容。
有倫透露小時候在新加坡讀書,與父親聚少離多,但父子二人的感情卻十分好,不時會一起Jam歌或結伴到深圳打高爾夫球。有倫帶着懷念的心情說:「其實全家人心情已平復咗好多,終於可以接受到呢件事。老竇都唔想我哋唔開心,只係有時夜晚瞓覺就會諗起佢,咁就會有啲唔開心。人要樂觀,生同死都唔可以自己決定。」
作為名特技人的後代,有倫會否秉承亡父的遺志,再做高難度的創舉?有倫說:「爸爸一直都冇刻意要我行佢條路,佢知我好鍾意音樂,一直都冇反對過我。我諗暫時唔會做特技人,反而想做好啲音樂,想做好一樣再做另一樣。九月我就會出自己嘅唱片,係我自己填詞同作曲,其中一首歌係寫我爸爸。」
很多藝人之子要在娛樂圈打響名堂,都會依靠家人的名聲作幫助,但有倫卻表示不會這樣做,他說:「以前有啲人會因為老竇而識得我,但𠵱家都冇得孭啦!以前做錯嘢,人哋會話『柯受良個仔』點點點,老竇個人都唔喺度,𠵱家啲人唔可以賴媽咪,唯一就係唔好做啲對唔住老竇嘅嘢就得喇!我會學識獨立,大個仔,作為長子要照顧屋企。」
採訪:馮美茵
攝影:陳烱威