噚日內地報章報道「香港歌神」許冠傑會復出樂壇嘅消息，聽講重會喺六月響紅館連開十場演唱會，再次用佢獨特嘅歌聲鼓勵同感動廣大市民。
十二年前，阿Sam連開四十一場演唱會後告別樂壇，封咪唔唱，當年嘅情景令八方記憶猶新。聽講，阿Sam復出嘅原因，係因為過去一年發生咗好多唔開心嘅事，好似沙士、同埋好多圈中好友相繼離世，負責幫阿Sam辦演唱會嘅圈中人重話，阿Sam好想用音樂嚟抒發心中嘅鬱結同情懷，將開心嘅心情帶畀廣大歌迷。
（圖）許冠傑嘅《半斤八両》唱到街知巷聞，好多歌迷掛念佢。
傳真︰2623-9278
電郵︰