民政事務局早排想幫中產階層下定義，擬定咗五大原則，包括家中藏書是否以政治分析及思考為主；有否儲蓄習慣；政治意識形態如何；是否關注子女教育及前途，連個人嗜好都關事，例如以打麻雀為主要嗜好就唔算係中產等，結果惹來大笑話。
事件主角民政事務局副秘書長余志穩，噚日見完民主動力之後就為自己伸冤，否認定出呢五條定義。佢話，其實政府心目中主要有四個標準，包括呢個人喺經濟體系中嘅角色、職業、入息同埋生活方式，重有一個測試，就係：「市民大眾都覺得佢係，佢自己又認，嗰個人就係中產。」唔知咁嘅定義大家又收唔收貨呢？
傳真︰2623-9278
電郵︰