美中經濟及安全委員會，根據美國國會嘅「香港政策法」，下個星期來港訪問，召見政要問話，八方噚日話「明天更好基金」總裁袁金浩已經預約咗要見，八方噚日問袁生，唔驚俾人定性為漢奸咩？
點知一向同中方關係密切嘅George（袁生洋名）話，使乜驚，呢類交流常有；人哋嚟「拜會」喎，即係等於鬼佬走嚟香港廟，拜中國菩薩，表示我哋中國人民好有面子，咁都俾袁生諗到，八方都要讚佢醒。
袁金浩話，基金下個星期四會恭請委員會嘅成員食晏，到時佢、馮華健、政府嘅官員以及一啲外國朋友都會出席，主要想向委員會介紹屍爬情況，只談經濟，不敢講政治。
八方聽聞呢個委員會都來頭不少，有一定影響力，一共有八個人，主席叫做RogerW.RobinsonJr.，副主席RichardD'amato，另有三個成員，重有三個由國務院借調過嚟嘅人員，都有啲情報色彩，劉迺強之流昅到實，醒定啲呀Geor廚！
傳真︰2623-9278
電郵︰