荷李活性感女神安琪蓮娜祖莉（AngelinaJolie）自從同前夫比利卜科頓（BillyBobThornton）分開咗之後，外界一直都好關心佢嘅感情生活，早幾日佢為即將上映嘅新片《屍人交易》宣傳嘅時候，就透露咗佢原來鍾意同唔同男人「行埋」，安琪蓮娜重話呢種係現代女人嘅態度。
二十八歲嘅安琪蓮娜離婚之後雖然一直都只係掛住佢個養子麥度斯（Maddox），近年同佢傳過緋聞嘅都係電影拍檔，包括《屍》片嘅伊芬鶴基（EthanHawke）同奧利華馬天尼斯（OlivierMartinez），以及《Alexander》嘅哥連菲路（ColinFarrell）等。
前幾日安琪蓮娜接受美國報章訪問，就好大方咁話自己有兩年時間冇同任何男人一齊，但之後就開始同唔同嘅男人行埋，而呢啲男士都係佢嘅好友。安琪蓮娜話：「我能夠應付嘅就係去酒店房，同個男人幽會幾個鐘，跟住幾個月都唔會再見佢。我覺得咁樣似番個女人，呢種關係亦唔會騷擾到我家人。我從來唔會試一夜情，佢哋都係我好熟嘅男人，咁樣應該就係現代女人啩。」
雖然安琪蓮娜冇講邊個男人，但係佢曾經承認瞓過嘅哥連相信係其中一個，而佢前夫尊尼李米拿（JonnyLeeMiller）都同佢好親密。