對於政府研究開徵商品銷售稅，每年要繳交二十萬元薪俸稅的私人執業醫生黃其昌滿腹牢騷，認為會對剛復甦的經濟造成打擊，「要搞好經濟唔係要加稅，係要減稅呀，加稅咪令巿民百上加斤囉，巿民身邊多啲錢，消費意欲自然會高啦。」
雖然黃其昌正供樓，但一直誤以為繳交標準稅率便沒資格申請貸款利息扣除額，況且他已供樓十年，故延長優惠對他沒有太大影響，唯一希望是政府可以減低標準稅率，「點解佢唔將每年（外滙儲備）賺到嘅錢用嚟填財赤？成日話要滾存，要滾到幾時？成日驚人嚟狙擊（港元），啲錢都係我哋香港人㗎喎！」他形容政府是守財奴，理財手法愚蠢，只識「左度右度」增加薪俸稅及其他雞毛蒜皮的收費，無法根治問題。
本報記者