NOW寬頻電視嘅成人頻道冰火，早排搞咗個冰火新聞，仿效外國成人頻道，叫女新聞報道員一邊講新聞一邊除衫，以增加收視。八方先前都講過，呢個節目尚未出街已經好墟冚，好多傳媒都視之為新聞報道。當時，冰火負責人Jessie亦話，純粹希望藉此吸引觀眾，唔會因此額外增加基本月費，日後觀眾睇厭咗，就轉另外一個推廣方式。
點知話口未完，節目出咗一、兩集，聽講今個星期六就會終止，冇得睇，原因唔係擔心觀眾悶，而係有電盈高層覺得呢個節目風頭太過勁，新聞多多，況且播成人節目實在唔需要咁高調，更擔心會因此影響電盈同埋主席李澤楷嘅個人形象，最後只好腰斬。查實，小小超老竇嗰檔和記3G，都有成人內容，其他收費電視亦有成人節目，電盈高層都唔使咁驚啦。
傳真︰2623-9278
電郵︰