冰島歌后Bjork一向神神化化，最近八卦網頁Popdirt話Bjork帶埋個仔去曼谷表演，點知佢喺機場出閘嗰陣，突然襲擊一個到場訪問佢嘅女記者。當時個女記者只係講咗句「歡迎光臨曼谷」，但Bjork即時對個記者拳打腳踢，重打到個女記者跌落地，真係好狼。但係據我羅拉所知，Bjork最近好似冇去過曼谷，唔知個八卦網頁講緊單新聞，係咪九六年嗰單呢？