霍英東第四仔霍震宇（圖）早於幾年前已經北上做電訊服務，唔聲唔聲，最近先至曝光。八方收到料，霍公子月初喺四川，同聯通集團合作發展短訊服務，正式開始向一百戶農民免費贈送信息電話機，提供生活、人才、農民、氣象及新聞等信息，首三個月免費提供，其後每月基本服務費五蚊人民幣。
據講，霍公子搞呢個項目籌備三年，雖然講緊只係幾蚊月費，但若以全中國幾億農民計，所有人採用佢嘅服務，對提高國家綜合國力，就好勁抽。項目由霍公子旗下新鴻高科技提供，並唔係霍老嘅生意。此外，霍公子原來喺內地重有多間科技公司，似乎有意成為祖國科技大亨喎。
傳真︰2623-9278
電郵︰