何韻詩、方力申（Alex）和林一峰昨日帶同他們在探訪東帝汶時搜購的陶瓷，到商台出席「饑饉三十」宣傳活動。
阿詩談到在東帝汶的趣事時說：「之前Alex話要周圍屙屎時，另一邊我喺草叢小解，但其實我試過更惡劣嘅環境啦！試過喺內地去廁所，個兜入面滿晒嘢㗎！助手話佢去嗰格，滿牆都係㖭！」
Alex亦在東帝汶度過了生日，問他一眾緋聞女友Stephy、鍾欣桐和李彩樺有否恭賀他？他說：「個個都冇，只係得周麗淇有咋！臨走前本來公司啲人同Cookies都話會同我慶祝，點知之後個個都話有事。」
此外，有傳Cookies將拆夥，Alex說：「應該唔會係啦！佢哋幫公司賺好多錢，重多過我。如果真係要拆，我實幫佢哋出聲。」