鳥倦知還的名媛姚樂碧前晚在中環出席男裝騷，獲品牌外籍高層熱情款待。她透露與男友分手數星期，原因是與她拍拖壓力大，她更表示今後擇偶條件首要靚仔外籍男士，因為她與香港男性傾偈沒有話題。
男裝品牌ErmenegildoZegna前晚在中環舉行開幕酒會，姚樂碧、李國寶兒子李民橋、陳方安生姨甥女陸介琳、立法會議員丁午壽的兒子丁天立、餐廳「扒王之王」太子女李依琳、葉梁美蘭和李樂詩等均有出席。姚樂碧到場後，獲外籍高層特別熱情招呼，更陪伴出入。
姚樂碧對此笑說：「我第一次見佢咋，我都唔識佢，不過佢都幾靚仔，ＯＫ啦。」她又表示早前與男友分手，她說：「冇拍拖幾個星期囉，可能同我一齊嘅男仔都好大壓力啦，我以後都係揀外國人拍拖，因為唔使解釋過去，容易啲溝通，重有，香港男性冇乜話題傾偈。」問她擇偶條件如何？她即指着現場的男模特兒說：「首選要靚仔，呢啲就合資格喇，經濟上，唔使我support就得喇！」
而丁天立則透露名模太太何穎雯預產期為六月，他說：「𠵱家照到係女，我第一次做爹哋都好緊張，佢想我陪入產房，不過我都驚，重傾緊點算。」提到趙世曾前妻TerriHolladay因太勞氣而小產，丁天立說：「我都會好小心照顧佢（指何穎雯），唔好激親佢，𠵱家重將睡房油過啲開心嘅黃色，等佢心情好啲。」他又表示母親經常㷛補品給何穎雯，並由其外婆為BB改名。
採訪、攝影：KellyCheck
