伍詠薇、盧巧音、林嘉欣和廖碧兒等前晚在灣仔為髮型騷擔任模特兒，戴頭套、鐵線裝等造型精采獨特。其中伍詠薇漂染頭髮九小時，穿短裙化身瑪麗蓮夢露，大出風頭。
髮型界盛事「第三屆亞洲髮型師大賞」前晚在灣仔君悅酒店舉行及頒獎，同場更由本地兩大髮型機構IlColpo及TheCode舉行盛大hairshow，請來明星、名模助陣。
TheCode以「新季風」為主題，伍詠薇穿吊帶短裙，造型帶點瑪麗蓮夢露的性感誘人，她說：「足足整咗九個鐘頭，漂完啲頭髮再染，不知幾大犧牲，我怕下星期去日本，啲人都唔知我係香港人！」
問伍詠薇風吹短裙，不怕走光？她說：「都怕㗎，我已經帶咗T-back，綵排完，都即刻叫助手去買條排球褲安全啲，因為預咗露底。」
而盧巧音則穿比堅尼上截行騷，中途更凸點，她事後接受電話訪問時說：「我冷親，喉嚨唔舒服，唔覺得特別性感喎。」問她可是台上太凍致凸點？她說：「我都凍到起晒雞皮，咁呢啲（指凸點）係自然反應，冇所謂囉，可能我太虛。」
IlColpo亦請來方力申、廖碧兒、官恩娜及多位名模如LisaS.、陳嘉容和Fa等行騷，林嘉欣則壓軸出場，她以十五呎長格仔布及JeremyScott名牌布料，DIY做超長裙行騷，完騷後林嘉欣說：「為咗行騷，我四、五個鐘冇食嘢、冇去廁所，因為件衫太難着，上咗台我又要好似拍戲慢動作咁慢行，又唔笑得，忍得好辛苦。」此外，Boy'Z成員Steven的胞弟Ryan亦有份行騷。
採訪：RitaLeung
攝影：EdwardChou
