《人民日報》官方網站人民網登咗篇文，叫做《范徐麗泰的人民網情結》，范太喺訪問中大讚人民網喺香港有影響力，佢本人不單成日上去瀏覽，重特登喺自己嘅個人網頁整個hyperlink連接人民網，人民網個記者就將范太譽為香港「鐵娘子」，你話幾威。
范太喺大陸吃得開，但香港就另一個戰場，都咪話，范太亦係特首黑馬之一，想要梁振英定范太？若然畀香港人揀，只要神經正常，都會寧願范太上。所以佢都唔敢怠慢，噚晚急急由北京趕返香港，主持今日嘅立法會會議審批吓唐唐首份預算案。
立法會有十七位議員都身兼人大或政協，除咗范太，大部份都趕返嚟開立法會，只有梁劉柔芬、馬逢國以及朱幼麟向秘書處告假，其中飛天朱最離譜，由二號請假到二十一號，重使做議員嘅。
傳真︰2623-9278
電郵︰