保時捷Cayenne現身西貢

早前外展越野挑戰賽2004中，當運動員參加獨木舟、游泳、跑步等全長約20公里的賽事的同時，比賽贊助商之一嘅保時捷，便安排了一部新登場嘅Cayenne，由外展訓練學校出發，帶領參賽者參加首項賽事。
記者：鄭達基

PTM系統提高穩定性
今次在場現身嘅會係一部外觀與其他型號相近，並配用3.2公升V6引擎嘅新版Cayenne，輸出雖比同系S或Turbo版本稍低，但仍有高達250ps/6000rpm馬力，以及31.6kgm/2500-5500rpm嘅扭力，用以驅動此車可謂綽綽有餘；除此之外，新車更備有PTM保時捷牽引力系統，佢能夠按照不同地形，而判斷將扭力分配到前輪或後輪，以及根據不同駕駛情況，提供最大動力嘅穩定性及操控靈敏性，再配合一套PSM保時捷穩定管理系統，更能讓車子於不同路面上，有出眾嘅行車表現及安全性。
新版Cayenne售價：$698,000
查詢電話：29262911

■新車以一台3.2公升V6偈作骨幹。

■新車備有的PTM保時捷牽引力系統會根據不同駕駛情況，提供最大穩定性。

■運動員經過20公里的賽事到達設於西貢市的終點站。

平治跑車鬥駿馬
仁孚車行今年已是第二年贊助羅湖騎術學校的周年活動，同往年一樣，今次大會特別安排多項表演賽，有馬匹跳欄比賽、馬與狗接力賽，而最特別又另類嘅就係「平治與馬匹接力賽」。
記者：黃婉冰
攝影：周旭民

揸平治避障礙物
呢個賽事係要由騎師、車手組成一對，騎師首先要完成所有跳欄動作，然後再與車手駕駛平治跑車通過所有障礙物，以最短時間用接力形式完成就算贏，聽落好似好簡單，但比賽起嚟唔係咁易，觀眾個個睇到又緊張又搞笑，緊張程度場面絕不比賽車輸蝕！

■揸住部CLK200以最短時間通過所有障礙，騎師則負責帶路。

■騎手要以最短時間完成所有跳欄，技術同合作性一樣講究。