由莎拉謝茜嘉柏嘉（SarahJessicaParker）主演嘅《色慾都市》，好快就會拍電影版，不過最近有傳莎拉同甘卡拉圖（KimCattrall）向HBO開天索價，每人要成一億一千萬港紙嘅片酬再加版權收入先肯拍，搞到HBO高層發老脾，話隨時唔拍喎。有位高層話，《色》劇其餘兩位演員已經接受咗四千二百萬港紙嘅片酬，只係莎拉同甘卡拉圖喺度搞亂檔攤咋！