落成五年的將軍澳居屋廣明苑，有居民投訴單位內相繼出現牆身批盪剝落情況，更甚者，客廳半幅牆身批盪須鏟去，惟房署稱此非屬樓宇結構問題而不處理；居民則稱有關批盪早於他們入伙前已存在，確為承建商的「傑作」，質疑房屋署收樓時馬虎，沒有嚴格監管。
四年半前舉家遷進將軍澳廣明苑廣新閣的謝先生，面對近乎「家不成家」單位，顯得一臉無奈。
他表示，自去年農曆年後，開始發現客廳的牆身批盪撲起及出現裂痕，後來更演變至剝落。
「房署派人上嚟睇，佢哋話個批盪工序似乎偷工減料，可能係無落水，所以出問題。但我哋入伙咁耐都未裝修過，房署整好後我哋就入住，咁就算係偷工減料，都係承建商，而唔係住客！」
由於房署指批盪剝落非屬樓宇結構問題，故需由住戶自行處理。「如果只得我個單位係咁，都可能係個別問題；但單係我呢層已經有其他單位都係咁，大家都係冇重新批盪過，係咪房署收樓時太馬虎？」
記者前往謝先生的單位察看，現場所見，客廳牆身批盪已剝落一半，面積達120呎，而剩餘的批盪有許多部份呈「撲起」狀況，天花亦有裂痕。他指出，由於客廳牆身批盪不斷鬆脫跌下，為免生危險，管理處早前派員將「半天吊」部份批盪乾脆鏟走。
直斥房署疏忽且「卸膊」的謝先生無奈道，「房署話唔肯整，我哋都冇辦法；要整晒成間屋都要幾萬蚊，重未計要扑爛晒入牆嘅家具；但間屋係自己嘅，唔通唔理咩？究竟房署點驗收？我真係好質疑囉！」
他指出，「根本成個屋苑嘅批盪都好似有問題咁，年幾兩年前開始，呢度嘅走廊、電梯大堂等公眾地方，都見到牆身或地面磚塊剝落。房署最初重唔肯整，拖咗好耐先肯維修，但到𠵱家都重未換晒！」
房屋署發言人表示，一直有跟進上述個案，由於所述單位的牆身批盪剝落，非屬樓宇結構問題，且是住戶「住落」之後才出現，故不屬房署所處理範圍。
西貢區區議員兼將軍澳民生關注組主席柯耀林表示，廣明苑內有不少單位牆身批盪出現上述情況，顯示並非個別現象。房署除提供十年樓宇結構保養外，尚為屋苑提供十二年維修保養服務，令他質疑為何房署「一口咬定」牆身批盪剝落乃屬結構保養範圍。
他說，「房署應先出錢，再循法律途徑追番，冇理由就咁拖住，影響居民生活！」 （○三○一○四○）
服務熱線
電話:29908288
傳真:23702192
電郵: